الأحد، 17 يوليو، 2011

حمام مغربى ايييييييييييييه ؟ انسى بقى وتعالى اقولك

السلام على من اتبع الهدى


بصوا كل كلمه اقولها ربنا يحاسبنى عليها
عارفه سر الحمام المغربى ايه ؟

الميه السخنه او البخار اللى بنقعد فيه شويه قبل مانبدأ خطوات الحمام المغربى

طيب انا عملت حاجه تانيه خالص عارفه ايه


قعدت فى ميه سخنه حاولى ربع ساعه بس مع تدليك خفيف ومساج للجسم وانتى قاعده تمام

نيجى للمهم هتتطلعى يا حلوه من الميه

وتفضى الميه بلاش بخل واملى البانيو تانى يا سلام

عشان الميه اتملت خلايا ميته واملاح من جسمك



تكونى محضره

كوب رز مطحون

ربع كوب حلبه مطحونه (واوعى تقوليلى ريحتى هتبقى وحشه متخافيش كملى بس وانتى هاتفهمى )

نصف كوب ترمس مطحون

معلقه سدر مطحون

تمام تخليطهم بحبه مايه بحيث يكونوا سايلين و تعرفى تدهينهم على كل جسمك

طبعا شكلك تحفه وانتى شكل قالب البسطرمه كده هههههههههههبل

واعملى حركات دائريه وانتى بتدهنى جسمك ومش هتقع منك ماتخفيش

عشر دقايق بس تدليك خفيف لكل جسمك وركزى على الحتت السودا في نص هدومي


وبعدين اتشطفى فى مايه البانيو اللى ملتيه


ابدئى بسرعه اغسلى شعرك او بحمام كريم
وبعدين ادعكى كل جسمك بملح الحليب اللى بالبابايا او الزبادى والفراوله عشان يشيل اى ريحيه للحلبه


لو مفيش ملح حليب يبقى حبه زيت زيتون وملح طعام ناعم وتحطى عليهم نقطتين فانيليا سايبه او بودر عشان الريحه بردوا


وخلاص يا قمر منك ليه بعد 5 دقايق اغسلى اجسمك ولفى نفسك وادخلى الاوده
وحطى على جسمك اى بيبى اويل ودلكى جسمك كله


اقسم بالله انى لما بطلع من الحمام جسمى زى ما تكونى حاطه عليه بودره تلك من كتر البياض والنعومه الفائقه


بالله عليكم اللى تقرى الموضوع وترد عليا وماتبخلش عليا

عشان ان قدرتكم وكتبت تجربتى بامانه



اه عشان اخواتى اللى بسالوا على السدر


السدر ورد فى القران (عند سدره المنتهى )

ماشى هو فوايده ملهاش حصر اعملوا سيرش على النت وهتلاقو بيبيض ويعقم البشره وحاجات كتييييييييييييييير


المهم ده تجيبه من عند العطار مثلا ب3 جنيه هيديكى كيس ورق كبير
وهو ورق هتفرفيتيه بايديك وبعدين اطحنيه فى الكبه

وهيبقى زى البودر ولونه اخضر



وحمام الهنا

ليست هناك تعليقات:

إرسال تعليق